Í minningu Sæbjörns Jónssonar
Vefur þessi er til heiðurs hljómlistarmanninum Sæbirni Jónssyni.
Hér er að finna frásögn af lífshlaupi hans í máli og myndum ásamt öðrum gagnlegum upplýsingum fyrir ættmenni og áhugasama.
Sæbjörn var tæknimenntaður og starfaði sem rafvirki og rafvélavirki á yngri árum. Lengst af eða í 37 ár hafði hann svo atvinnu sem hljómlistamaður og þá ýmist sem trompetleikari, kennari eða hljómsveitarstjóri.
Sæbjörn skráði sjálfur minningar sínar á hljómsveitarsíðunum og örugglega eru til fleiri sögur af því sem hann afrekaði áður en heilsan gaf sig.
Tónlistarsafn
Sæbjörn Jónsson var í gegnum tíðina mjög öflugur í að koma sér upp tónlistarsafni og eru fjölmargar upptökur til af tónleikum í gegnum feril hans sem tónlistarmanns. Í stað þess að þær söfnuðu ryki niðri í skúffu var ákveðið að koma öllu tónlistarsafninu fyrir á trompet.is.
Á næstu mánuðum og árum verða reglulega settar inn upptökur af hinum ýmsum viðburðum og tilkynnt hér á vefsíðunni sem og á facebook síðu trompet.is.